មនុស្សស្រីមានលក្ខណៈបែបនេះហើយដែលបុរសចង់តស៊ូជាមួយ មិនងាយបោះបង់

2021-08-05 01:49:00
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្មានថ្ងៃដែលមនុស្សប្រុសនឹងលែងដៃមនុស្សស្រីមានលក្ខណៈបែបនេះជាដាច់ខាត ដោយសារតែចំណុចទាំងនេះ ជាមន្តស្នេហ៍ចងភ្ជាប់ចិត្តឲ្យគាត់ចង់នៅក្បែរដល់ថ្ងៃស្លាប់។

១. មើលពិភពលោកក្នុងផ្លូវវិជ្ជមាន

មិនថាមនុស្សប្រុសបែបណានោះទេ ទាំង១០០% សុទ្ធតែចង់បានមនុស្សស្រីដែលមានគំនិតសុទិដ្ឋិនិយម ជាជាងទុទិដ្ឋិនិយម។ នេះដោយសារ មនុស្សស្រីបែបនេះតែងធ្វើឲ្យអ្នកជុំវិញ រីករាយ មានទឹកចិត្តល្អ ព្រមទាំងថាមពលពេលបានជជែកជាមួយ និងចង់នៅក្បែរ។

២. ស្មោះត្រង់

នេះជាភាពទាក់ទាញមួយដែលពិបាកឲ្យមនុស្សប្រុសដើរចេញពីជីវិតរបស់មនុស្សស្រី ដោយសារតែគាត់នឹងមានអារម្មណ៍ថាសុវត្ថិភាពពេលបាននៅជាមួយអ្នក ព្រោះគាត់មិនបាច់បារម្ភថា អ្នកនឹងលួចមានថ្មី បំផ្លាញបេះដូងគាត់ឡើយ។

៣. ឆ្លាតវៃ

មនុស្សស្រីដែលមានចំណុចនេះ ជានារីដែលបុរសសម្លឹងឃើញទុកធ្វើជាប្រពន្ធនាពេលអនាគតតែម្តង។ នេះដោយសារគាត់ជឿជាក់ថា អ្នកនឹងសក្កិសមធ្វើជាម្តាយរបស់កូនគាត់ ព្រោះអ្នកនឹងចេះពីរបៀបមើលថែក្មេង បង្រៀនកូនឲ្យដើរផ្លូវត្រូវបាន ។

៤. ចេះទន់ខ្សោយខ្លះ

ទោះបីមនុស្សស្រីមើលទៅឯករាជ្យក៏ដោយ តែមនុស្សប្រុសនៅតែចង់បាននារីដែលពេលខ្លះនាងមើលទៅមានភាពទន់ខ្សោយ ត្រូវការបុរសជាអ្នកដឹកនាំ។ អ្នកក៏ដឹងហើយថា ទម្លាប់មនុស្សប្រុស គឺចូលចិត្តភាពជាមេដឹកនាំ ព្រោះគាត់ចង់បង្ហាញនូវការការពារមនុស្សស្រីដែលខ្លួនស្រលាញ់។