រៀនធ្វើទឹកជ្រលក់ពិសេស ញ៉ាំជាមួយជើងមាន់ស្ងោរគល់ស្លឹកគ្រៃ!

2021-08-25 14:30:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្ងៃនេះ រីករាយ សូមបង្ហាញពីរបៀបធ្វើទឹកជ្រលក់រសជាតិប្រៃជូរហឹរញ៉ាំជាមួយជើងមាន់ស្ងោរគល់ស្លឹកគ្រៃឆ្ងាញ់កប់សារីដល់ប្រិយមិត្តទាំងអស់គ្នា។ កុំភ្លេចសាកធ្វើញ៉ាំនៅផ្ទះណា។

ដាក់ស្ងោរជើងមាន់

លាងជើងមាន់ឲ្យស្អាត ដាក់ស្ងោរជាមួយនឹង គល់ស្លឹកគ្រៃ ខ្ញីបន្តិច និងអំបិលបន្តិច។ ដាក់ស្ងោរចោលពី ២ ទៅ ៣ រំពុះ បន្ទាប់មកបិទភ្លើង។ ត្រាំជើងមាន់ជាមួយទឹកកកចោលមួយភ្លែតដើម្បីឲ្យជើងមាន់ស្រួយ។

រូបមន្តធ្វើទឹកជ្រលក់

គ្រឿងផ្សំ

ខ្ទឹមស ខ្ញី គល់ស្លឹកគ្រៃ ក្រូចឆ្មារ ស្ករ ម្រេចខ្ចីឬម្រេចក្រៀម ទឹកម្ទេស អំបិល និងទឹកស៊ុប។

របៀបធ្វើ

កិនឬចិញ្ច្រាំ ខ្ទឹមស គល់ស្លឹកគ្រៃ និងខ្ញី
បើមានស្លឹកក្រូច ហាន់វាមួយជំនិតតូច ដាក់ចូលក្នុងចានទឹកជ្រលក់ផង
ដាក់គ្រឿងផ្សំទាំងអស់ចូលក្នុងចាន ដំបូងដាក់ខ្ញីនិងគល់ស្លឹកគ្រៃដែលចិញ្ច្រាំហើយ បន្ទាប់មកដាក់ម្ទេសស្រស់ ឬក្រៀមក៏បាន ដាក់ទឹកស៊ុបចូលបន្តិច ដាក់ស្ករបន្តិច ហើយច្របាច់ទឹកក្រូចឆ្មារចូលបន្តិច (កុំឲ្យទឹកជ្រលក់ជូរពេក) ដាក់ម្រេចចូល ហើយកូរវាឲ្យសព្វ ចុងក្រោយចាំដាក់ទឹកម្ទេសចូលបន្ថែមដើម្បីឲ្យទឹកជ្រលក់រាងខាប់ ងាយស្រួលសម្រាប់ជ្រលក់ជើងមាន់ ឆ្ងាញជាប់មាត់៕