មកស្គាល់ channel "Food Review" ល្បីបំផុត​ទាំង ៣

  • 2021-05-23 11:55:54
  • ចំនួនមតិ 0 | ចំនួនចែករំលែក 0

ចន្លោះមិនឃើញ


មាន channel YouTube ច្រើនណាស់ ដែលធ្វើវីដេអូ​ពីម្ហូបអាហារ ប៉ុន្តែថ្ងៃនេះ Rikreay សូមណែនាំ​ Channel YouTube ចំនួន ៣ ដែល​ល្បី និងល្អបំផុត​សម្រាប់​ប្រិយមិត្ត​ដែលចូលចិត្ត​ទស្សនា​មុខ​ម្ហូបប្លែកៗពី​ជុំវិញពិភពលោក។

ភាពលេចធ្លោ​របស់ Channel ទាំង ៣ គឺ​មានលើស​ពីការ​ Review មុខម្ហូប ពោលគឺមានបង្ហាញពីជីវភាព​រស់​នៅ​របស់​ប្រជាជន​ក្នុង​តំបន់ ដែលមាន​ទាំង​ទីក្រុង ដល់ជនបទ រួមទាំង​ដល់​តំបន់ព្រៃភ្នំ​របស់​បងប្អូន​ជនជាតិ​ដើមភាព​តិច ឬក្រុម​កុលសម្ព័ន្ធ​ថែមទៀតផង។

Channel ទាំង ៣ ដែល Rikreay លើក​មក​ពេលនេះ រួមមាន​ដូចខាងក្រោម៖

១. Mark Wiens

Mark Wiens ជាឈ្មោះ channel របស់​លោក​ Mar Wiens ផ្ទាល់តែម្ដង។ លោក​បានដើរ​ធ្វើ​វិដេអូម្ហូបអាហារ ស្ទើរជុំវិញពិភពលោក​ទៅហើយ ប៉ុន្តែ​បច្ចុប្បន្ន​លោក​រស់​នៅ​ក្នុង​ប្រទេសថៃ ក្រោយ​រៀបការ​ជាមួយភរិយា​ជនជាតិ​ថៃ។ អ្វីដែលគួរ​ឲ្យ​ចាប់អារម្មណ៍ គឺលោក​ក៏ធ្លាប់​ធ្វើវីដេអូជាច្រើន​នៅកម្ពុជា​ផងដែរ មានទាំងនៅភ្នំពេញ និង​តាមបណ្ដាខេត្ត​ថែមទៀតផង។ គិត​ត្រឹមខែឧសភា ឆ្នាំ២០២១ នេះ channel របស់​លោក មានអ្នក Subscribe ដល់ទៅជាង ៧,៦៦លាននាក់។

ចុចត្រង់នេះ ដើម្បី​ចូលទៅកាន់ channel Mark Wiens

២. Best Ever Food Review Show

Best Ever Food Review Show គឺជា channel ដែល​ Review ម្ហូបអាហារ​ដោយលោក Sonny។ Sonny មកពីអាមេរិក ប៉ុន្តែជាង ១០ឆ្នាំចុងក្រោយនេះ ភាគច្រើន​លោក​រស់នៅ​ក្នុង​តំបន់អាស៊ី ជាពិសេស​គឺក្នុងប្រទេសវៀតណាម។ ដោយសារ​តែកំពុង​ស្ថិតនៅវៀតណាមស្រាប់ វីដេអូជាច្រើន​នារយៈពេលចុងក្រោយនេះ គឺធ្វើឡើងនៅក្នុងប្រទេសវៀតណាម តាំងពីភាគខាងជើង ដល់ភាគខាងត្បូង រួមទាំង​តំបន់​ជនជាតិភាគតិច និងតំបន់កោះ ដូចជាកោះត្រល់ផងដែរ។ គិតត្រឹមខែឧសភា ឆ្នាំ២០២១ នេះ channel "Best Ever Food Review Show" របស់ Sonny មានអ្នក Subscribe ចំនួនជាង ៦,៨៥លាននាក់។

ចុចត្រង់នេះ ដើម្បីចូលទៅកាន់ channel Best Ever Food Review Show

៣. The Food Ranger

The Food Ranger គឺជា channel របស់លោក Trevor James។ បច្ចុប្បន្ន​លោក​រស់នៅក្នុងខេត្តស៊ីឈាន់ ប្រទេសចិន។ លោកធ្លាប់ធ្វើដំណើរទៅភ្លក្ស​ម្ហូបអាហារ​នៅជាច្រើនប្រទេស ប៉ុន្តែភាគច្រើនបំផុត​គឺនៅ ចិន ម៉ាឡេស៊ី សិង្ហបុរី និងថៃ។ គិតត្រឹមខែឧសភា ឆ្នាំ២០២១ channel The Food Ranger របស់លោក មានអ្នក subscribe ជាង ៥,១៣លាននាក់។

ចុចត្រង់នេះ ដើម្បីចូលទៅកាន់ channel The Food Ranger