មុនសារភាពប្រាប់ crush ឲ្យបានសម្រេច ត្រូវដឹងពីចំណុចទាំងនេះជាមុនសិន

2021-04-12 06:44:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ការសារភាពស្នេហ៍ ជារឿងមួយដែលយើងត្រូវធ្វើ បើមិនចង់ឲ្យគេបេះបាត់ទេនោះ។ តែបើទៅសារភាពប្រាប់គេមុន ដោយគ្មានតិចនិកសោះនោះ អត្រានៃភាពជោគជ័យក៏មិនខ្ពស់ដែរ។ ដើម្បីសារភាពបានសម្រេច អ្នកអាចមើលតិចនិកខាងក្រោមបាន៖

១. មើលថាគេបើកភ្លើងបៃតងឬអត់

ក្នុងអំឡុងពេលស្គាល់គ្នា អ្នកត្រូវសង្កេតមើលប្រតិកម្មរបស់គេថា គេមានចិត្តលើយើងខ្លះដែរឬអត់។ ប្រសិនបើពេលយើងលេងសើច គេក៏សើចសប្បាយនឹងយើងដែរ នោះមានសញ្ញាថា គេក៏មានចិត្តលើយើងដូចគ្នា។ ផ្ទុយមកវិញ បើគេមិនពេញចិត្តលេងជាមួយយើងទេ យើងកុំសារភាពឲ្យសោះ បើមិនដូចនេះទេ មានតែយកក្ដីអាម៉ាស់ដាក់ខ្លួនតែប៉ុណ្ណោះ ព្រោះនឹងត្រូវគេបដិសេធមិនខាន។

រូបតំណាង

២. បើគេបើកភ្លើងបៃតង ឈានដល់ជំហានសារភាព

មូលហេតុនៃដំណាក់កាលមើលចិត្តយូរនោះគឺដើម្បីស្ទាបស្ទង់មើលទៅថាគេមានចិត្តលើយើងឬអត់។ តែបើនៅតែល្ងីល្ងើ មិនដឹងថាយើងស្រលាញ់គេ យើងត្រូវតែមានសកម្មភាពជាក់លាក់ឲ្យគេដឹង។ បើយើងចេញសកម្មភាពហើយ តែគេនៅធ្វើមិនដឹងអីទៀត នោះមិនមែនគេល្ងីល្ងើទេ គឺគេមិនពេញចិត្តយើងហើយ។

៣. បើត្រូវបដិសេធ ត្រូវធ្វើម៉េច?

បើសំណាងមិនល្អហើយត្រូវបដិសេធនោះ អ្នកក៏កុំកើតទុក្ខអីព្រោះយ៉ាងហោចណាស់ក៏យើងបាននិយាយពីអារម្មណ៍ពិតរបស់ខ្លួនដែរ។ គ្រាន់បើជាងលាក់អារម្មណ៍រហូតរសាប់រសល់ដល់គេមិនលក់។ បើត្រូវគេបដិសេធហើយ ត្រូវពុះពារធ្វើឲ្យខ្លួនល្អជាងមុនទៀត ដូចជាចេះថែរក្សាខ្លួនឲ្យបានច្រើន ក៏ដូចជាបំពេញចំណេះវិជ្ជាបន្ថែមទៀតដើម្បីកុំឲ្យមានចន្លោះខ្វះខាតទៅថ្ងៃក្រោយទៀត៕