របៀបតុបតែងផ្ទះ ៥យ៉ាង មើលទៅមានអារម្មណ៍ដូចឋានសួគ៌ត្រូពិក

2021-05-09 04:53:25
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រហែលចង់រៀបចំតុបតែងលម្អផ្ទះរបស់អ្នកទៅតាមរចនាបទត្រូពិក ដែលធ្វើឲ្យអ្នកមានអារម្មណ៍ថា ខ្លួនឯងដូចកំពុងសម្រាកវិស្សមកាល។

ខាងក្រោមនេះគឺជាតិចនិកងាយៗ ដែលអាចប្រែក្លាយលំនៅឋានរបស់ឲ្យទៅជាទីរមណីយដ្ឋានគួរឲ្យចង់សម្រាកលំហែ៖

១ តុបតែងតាមលំនាំកោះបាលី

បាលីតែងតែជាតំបន់ត្រូពិកដ៏គួរឲ្យចង់សម្រាកលំហែក្នុងចំណោមមនុស្សទូទៅ។ តុបតែងជញ្ជាំងដោយរូបស្លឹកឈើ ខ្នើយស្លឹកឈើ ឬ បន្ថែមរុក្ខជាតិក្នុងបន្ទប់ទទួលភ្ញៀវទៀតនឹងកាន់តែបន្ថែមជីវិតឲ្យផ្ទះរបស់អ្នក។

២ ប្រើពណ៌សខ្មៅ

រក្សាពណ៌ឲ្យសាមញ្ញបំផុតគឺសខ្មៅ ហើយតុបតែងបន្ថែមនូវជញ្ជាំងរូបស្លឹកចេក។ តុកៅអីក្នុងផ្ទះបាយ ត្រូវតែមានពណ៌ថ្លា ហើយភ្លើងអំពូលពណ៌ស្រទន់។

៣ គ្រឿងសង្ហារិមពីគ្រឿងឈើនិងធម្មជាតិ

គ្រឿងសង្ហារិមធ្វើពីផ្ដៅ ឈើ ឫស្សី បន្ថែមដោយផ្ទាំងកំណាត់ពណ៌ផ្កាឈូកស្រាលៗ នឹងកាន់តែបន្ថែមសម្រស់លំនៅឋានត្រូពិករបស់អ្នកឲ្យកាន់តែរស់រវើក។

៤ ធ្វើឲ្យរចនាបទត្រូពិកឲ្យកាន់តែឆើតឆាយ

ការប្រើប្រាស់គ្រឿងសង្ហារិមសម័យទំនើប លាយជាមួយនឹងផ្ទាំងតុបតែងលម្អរូបរុក្ខជាតិតំបន់ត្រូពិកស៊ីគ្នាបានយ៉ាងល្អ ហើយធ្វើឲ្យរចនាបទនេះប្រៀបបីដូចធម្មជាតិលេចផុសក្នុងភាពទាន់សម័យ។

៥ ទុកចន្លោះឲ្យទំនេរ

ការតុបតែងគ្រឿងសង្ហារិមពេញផ្ទះពេក ធ្វើឲ្យផ្ទះមើលទៅអត់ស្រលះ។ គេអាចប្រើគ្រឿងតុបតែងតូចៗ ប្រើគ្រឿងផ្តៅខ្លះឈើខ្លះ និង មានដើមឈើខ្លះ ធ្វើយ៉ាងណាកុំឲ្យផ្ទះមើលទៅល្ហល្ហេវពេក និង កុំតាំងរបស់ស្កះពេក៕