សូម្បីតែជនបរទេស ក៏ស្រក់ទឹកភ្នែក ពេលស្ដាប់បទ "ម្ដាយ" របស់ វណ្ណដា និងក្មេង​ខ្មែរ ដែរ!

  • 2021-04-12 11:13:07
  • ចំនួនមតិ 0 | ចំនួនចែករំលែក 0

ចន្លោះមិនឃើញ


បទ​ចម្រៀង​មួយ​បទ​របស់ វណ្ណដា ជាមួយ ក្មេង​ខ្មែរ​ ដែល​មាន​ចំណង​ជើង​ថា "ម្ដាយ" ជាបទចម្រៀង​ខ្មែរ ដែលមានអ្នកមានច្រើន ដល់ ៤៩លានដងឯណោះ (គិតត្រឹមថ្ងៃ១២ មេសា)។ ក្រៅពីល្បីនៅក្នុងស្រុក បទនេះ ក៏ល្បីដល់ក្រៅប្រទេស​ផងដែរ ដោយ​មាន​​ការ​យក​ទៅ​ធ្វើ Reaction ពី​សំណាក់ youtuber បរទេស​ជា​ច្រើន។ ក្នុងចំណោមនោះ មាន youtuber ទួរគីម្នាក់ ឈ្មោះ Tuncay ដល់​ថ្នាក់​ហូរ​ទឹក​ភ្នែក​ ដោយសារ​​បទ​ចម្រៀង​ខ្មែរ​មួយ​បទ​នេះថែមទៀតផង។

Tuncay បាន​យក​បទ​របស់​ខ្មែរ​យើង​មួយ​បទ​នេះ​ទៅ​ធ្វើ Reaction ហើយ​បាន​ពោល​កោត​សរសើរ​ក្រុម​ចម្រៀង​យុវវ័យ​ក្មេង ពិសេស​បទភ្លេង​នៃ​ចម្រៀង "ម្ដាយ" ថា ពិត​ជា​អស្ចារ្យ​ខ្លាំង។ បុរស​បរទេស លាន់​មាត់​ម្ដង​ហើយ​ម្ដង​ទៀត ថា បទ​ចម្រៀង​ពិត​ជា​អស្ចារ្យ​ខ្លាំង ពិត​ជា​រំជួល​អារម្មណ៍​ខ្លាំង​លើ​បទ​ចម្រៀង​មួយ​នេះ​មែន​ទែន ពោល​គឺ​ល្អ​ទាំង​សាច់​ភ្លេង ទំនុក​ច្រៀង និង​វីដេអូ។

វីដេអូ​ចម្រៀង​ដែល​មាន​ Subtitle ជា​ភាសា​អង់គ្លេស បាន​បង្ក​ភាព​ងាយ​ស្រួល​ដល់​បុរស​បរទេស​ឆាប់​យល់​ពី​អត្ថន័យ​នៃ​បទ​ចម្រៀង។ ដូច្នេះ​ហើយ គេ​ឃើញ​លោក​ហាក់​ស្លុង​អារម្មណ៍​ជាមួយ​បទ​ចម្រៀង​ខ្មែរ ហើយ​ពេល​​ខ្លះ ប្រិយមិត្ត​បាន​ឃើញ Tuncay យក​ដៃ​ជូន​ទឹក​ភ្នែក​ម្ដង​ហើយ​ម្ដង​ទៀត ហើយ​ជាមួយ​គ្នា​លោក​បាន​បញ្ចេញ​សំឡេង​អួល​ដើម​ក​ជាមួយ​ពាក្យ​ខ្លី​ថា "សុំ​ទោស វា​រំជួល​ចិត្ត​ណាស់!”។

ចង់ដឹងបែបណានោះ សូមទស្សនាវីដេអូខាងក្រោម៖

ទស្សនាបទដើមរបស់វណ្ណដា និងក្មេងខ្មែរ ខាងក្រោមនេះ៖