ស្តេចហាមចេញពីនគរ តែអ្នកបម្រើស្រី អាចគេចចេញយ៉ាងងាយ

2021-04-12 02:33:10
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីយូរលង់ណាស់មកហើយ នៅក្នុងនគរមួយដែលស្ថិតនៅឆ្ងាយដាច់ស្រយាលពីគេ មានស្ដេចមួយអង្គមិនអនុញ្ញាតឲ្យនរណាម្នាក់ចាកចេញពីនគរឡើយ ហើយរឹតតែមិនអនុញ្ញាតឲ្យអ្នកក្រៅចូលមកដែរ។

ដើម្បីចេញចូលនគរនោះ ត្រូវដើរឆ្លងកាត់ស្ពានតែមួយប៉ុណ្ណោះ។ ផ្ទុយទៅវិញ ស្ដេចអង្គនោះបានចេញបញ្ជាថា «នរណាម្នាក់ដែលហ៊ានដើរចេញក្រៅនឹងត្រូវប្រហារជីវិត ហើយអ្នកដែលដើរចូលមក ត្រូវដេញចេញទៅក្រៅវិញ»។

នៅពេលសម្រាក អ្នកយាមអង្គុយនៅក្នុងខ្ទមរយៈពេល ៥នាទី រួចដើរត្រលប់មកយាមនៅខាងមុខស្ពានវិញ ដោយចំណាយពេល ៨នាទី។

នៅថ្ងៃមួយ អ្នកបម្រើស្រីម្នាក់ ស្រាប់តែអាចគេចចេញពីនគរនោះបាន។ តើវាអាចកើតឡើងយ៉ាងដូចម្ដេច? (សូមគិតពិចារណា មុនពេលមើលចម្លើយនៅខាងក្រោម)

ចម្លើយ៖ នៅពេលដែលអ្នកយាមអង្គុយនៅក្នុងខ្ទម អ្នកបម្រើស្រីនោះចាប់ផ្ដើមដើរឆ្លងកាត់ស្ពាន។ នាងដើរបាន ៥នាទី ខណៈអ្នកយាមនៅក្នុងខ្ទម រួចងាកក្រោយ និងដើរចូលទៅក្នុងនគរវិញ។ នៅពេលកំពុងដើរចូលសំដៅទៅនគរ នាងក៏ត្រូវអ្នកយាមដេញចេញមកវិញតែម្ដង៕